Samstag, Februar 06, 2010

nadine und jennifer



Mah, Jenni, host gsegn, wos die Meri gestern fia a Blusn oghobt hot?

Ma Oida, de woar so schwul, de hot ihr goar nit passt. Sie hot ausgschaut wia a oids Weiwi.

Nadi, tatst du sowos oziagn? Mah, Oida, richtig grintig.


Mah, und die Party am Somstag. Voi da Schas. I hoss die privaten Feiern, mah.

De san so schwul, mah Oida.


Und do gibts nix Gscheits zan essn, die Gulaschsuppn woar voi grintig.

Owa i woa oamoi ba ana Goatnparty in Soizbuag. De woar voi geil, weil de hom a riesigen Goatn ghobt und do hots so kloane Gowibissn gebm. De hoaßn Kanape, oder so.


Sushi hoaßn de. Goatnparty ba dem Schnee?

Mah, Oida, des woar im Summa. Owa de woa voi geil. An Prosecco hots a gebm. Und Tequila a. I woar noch zwoa Stund voi fett, mah Oida, des woar soo geil!


Die deppertsten Parties san won oanige goar nix trinkn, gö?

Jo, voi fad.


Die Vanessa hot mia dazöht, dass sie im Fruahjoahr heirat.

Mei Cousine hot im Herbst gheirat. A voi geile Hochzeit woar des. De Fotos hout's oi ins Facebook gstellt.


Die Sandra is a bei Facebook.

Sie woar scho im fünftn Monat wia sie geheirat hot. Voi cool.


Die Sandra is schwanger?

Na, mei Cousine.


Geh, Oida. Des is voi schwul. I tat nia oisa schwangerer heiraten, do bist jo voi fett und so.

Besser voi fett und verheirat ois voi fett und ledig.


A woahr.

Kommentare:

Peter Engländer hat gesagt…

Gut, dass man als Bayer automatisch die Lizenz fürs Österreichische bekommt, wai sunsd dad dau fei füa mi blous a haffn Vokale stäi.

Konradowitsch hat gesagt…

Ich liebe ja österreischisch. Nicht nur die Sprache - auch die Logik.

amadea's world hat gesagt…

bualein, peterl, du houst owa an uadntlichn dialekt drauf. boarisch gfoit ma soo guat und i ko den gou nit nochmochn, den dialekt. dabei taat i des soo vü gean.

gö, konradowitscherl - logisch samma - unlängst ho i im wirtshaus ghert: liawa an bauch van saufn ois a buckl vom orbeitn.